Huaaspa Dialogon
_ Ima horaspi atarej canqui? _ Siete y mediapi atarej cani nocká.
_ Uyayquita maillacoj canqui? _ Ullayta maillacus ‘rej cani
_ Y chaymantá? _ Mate cosidoan tortillaan upias ‘rej cani.
_ Maa ñajchacoj canqui? _Ñajchacoj cani.
_Nocká ‘rej cani astaan tardeta escuelamancka. _ Ima horaspi ‘rej canqui?
_ Las doce y mediapi ‘rej cani nochá. _ Imata ckaaj canqui ñanpecka?
_Urpilitasta ckaaj cani y tiquias huánchej cani y señorita Rinapaj apapoj cani
embalsamanánpaj.
_ Imapi churaj cancu embalsamaspa? _ Escuelapi churaj cancu vitrinapi.
_Imapaj churaj cancu chaypi? _ Chaypi tiaptencka nockaycu acuychis ckaaj.
_Imaan tiquias ckam huanchej canqui? _ Ticaan huanchej cani tiquias.
_Chaymanta ‘ris escuelaman recreopi pujllaj cani. _Maa culumbiaj canqui?
_Culumbiaj cani, manchapi pujllaj cani. Chaymanta alambrau huasapi pujllas purej
cani, tackopi llockas purej cani.
_ Machajhuayta maa huanchej canqui? _ Machajhuayta huanchej cani, caspian huanchej cani.
_Maypi imata ckaaj canqui? _ Mayuman ‘rej cani ashsckosniyan, cuelos imata huachipucoj
cani y cancapucoj cani parrillapi.
_Imaan sorckopucoj canqui? _ Huachian sorckopucoj cani, huachis.
_ Imaan ataan sorckopúcoj canqui? _ sorckopúcoj cani anzueloan, picachej cani.
En:
BRAVO, Domingo A. Estado actual del quichua Santiagueño. Pp 85.
